Hate ragihandin ku rojnamevana Amerîkî Shelly Kittleson a ku hefteya borî li Bexdayê hatibû revandin, hate berdan.

Rayedarekî Iraqî yê ku ji ajanseke nûçeyan re axivî û nexwest navê wî were eşkere kirin, diyar kir ku Shelly Kittleson piştî nîvro hate berdan. Rayedar destnîşan kir ku rojnamevan beriya were berdan li Bexdayê dihat girtin, lê derbarê cihê wê yê niha de agahî parve nekir. Koma Şîe ya bi navê Tugayên Hizbullahê, di daxuyaniya xwe ya serê sibehê de ragihandibû ku wan biryara berdana Shelly Kittleson daye, ya ku di 31’ê Adarê de hatibû revandin.

Komê diyar kir ku ev biryar ji ber teqdîrkirina helwesta niştimanperwer a serokwezîrê ku wezîfeya wî bi dawî bûye, Mihemed Şîa el-Sûdanî hat girtin, lê hûrgulî parve nekirin. Di daxuyaniyê de her wiha hat gotin ku hewildaneke wiha dê di pêşerojê de dubare nebe. Li aliyê din, Tugayên Hizbullahê şert danî ku piştî berdana Shelly Kittleson divê ew tavilê welat biterikîne.